ئهنجومهنی هاریكاری كهنداو لهپهیامێكدا بڵاویكردهوه،وڵاتانی كهنداو وهك چرای سهقامگیری و هاوبهشێكی متمانهپێكراو بۆ جیهان دهمێننهوه، قبوڵ ناكهین دهوڵهتانی كهنداو ببنه ئامانجی دهستدرێژی یان گۆڕهپانی ململانێی به وهكالهت و سهروهری دهوڵهتانی كهنداو و ئاسایشی گهلهكهیان جێگهی گفتوگۆ لهسهركردن نییه.
ڕێزگرتن له یاسا نێودهوڵهتییهكان بناغهی دهستهبهركردنی ئارامی و سهقامگیرییه له ناوچهكهدا، دهیان ساڵه دهوڵهتانی كهنداو بهردی بناغهی سهقامگیری ناوچهكه و ئابوری جیهانی و ئاسایشی وزه بون، هێرشه موشهكی و فڕۆكه بێفڕۆكهوانهكانی ئێران، دامهزراوه گرنگهكانی مهدهنی وهك بهندهرهكان، فڕۆكهخانهكان و ژێرخانهكانیان كردۆته ئامانج”.
ئاماژەیان بەوەشکردووە ، ئهم هێرشانه پێشێلكارییهكی ئاشكرای یاسا نێودهوڵهتییهكان و میساقی نهتهوه یهكگرتوهكان و ڕێككهوتننامهی ڤیهنا بۆ پهیوهندییه دیپلۆماسییهكان پێكدههێنن، دهوڵهتانی كهنداو مافی ڕهوای خۆیان بۆ بهرگریكردن له خۆیان بهپێی مادهی 51ی جاڕنامهی نهتهوه یهكگرتوهكان دهپارێزن.
ئهنجومهنەکە دەڵێت ، گۆڕینی خاكی دهوڵهتانی كهنداو بۆ گۆڕهپانێك بۆ یهكلاكردنهوهی نمرهكانی ناوچهیی قبوڵكراو نییه، داخستنی گهروی هورمز و بهئامانجگرتنی كهشتییه بازرگانییهكانیش ههڕهشه له بازرگانی جیهانی و ئاسایشی وزهی نێودهوڵهتی دهكات، ئهم هێرشانهش نهك ههر ههڕهشه له ئاسایشی كهنداو دهكات بهڵكو سهقامگیری هاوبهشه نێودهوڵهتییهكانیش تێكدهدهن”.
ئهنجومهنی هاریكاری كهنداو داواشی له یهكێتی ئهوروپا و كۆمهڵگهی نێودهوڵهتی كردوه، ههنگاوی كردهیی بنێت بۆ وهستاندنی ئهم هێرشانه و جهختیكردۆتهوه، ههر ڕێكخستنێك یان دهستپێشخهرییهكی ناوچهیی له داهاتودا دهبێت به ڕاوێژ لهگهڵ دهوڵهتانی كهنداو ئهنجامبدرێت و نیگهرانییهكانیان لهبهرچاوبگیرێن.
About the Author
